-ಅರುಣ್ ಕುಮಾರ್ ಹೆಚ್ ಎಸ್.

ನಿನ್ನ ಮುಗುಳುನಗೆಯಲ್ಲಿ
ಹರಡುತಿದೆ ಸ೦ತಸವು
ಸುಳಿಗಾಳಿಯಲ್ಲಿ
ನಿನ್ನೊಲವು ಸವಿಜೇನು
ನಿನ್ನೊಡನೆ ಸವಿನುಡಿಯು
ಮದುರತೆಯು ಮೂಡುತಿದೆ
ಈ ಬಾಳಿನಲ್ಲಿ.

ನಾಚುತಿಹೆ ನೀ ಗೊತ್ತು ನಗಲಿ ಜಗವೆಲ್ಲ
ನಮಗಿಲ್ಲ ಯಾರದೊ ಗೊಡವೆ
ಜಾರುತಿದೆ ಹೊತ್ತು ಬಾ ನನ್ನೊಲವೆ
ನೀಡುವೆನು ಮುತ್ತಿನಾ ಒಡವೆ.

ಜೀವ-ಜೀವದ ಬೆಸುಗೆ
ಜೀವ-ಬಾವದ ಒಸಗೆ
ಜೀವನದಿಗಳ ಮಿಲನ
ಒಲವಿನಾ ಕಡಲಲ್ಲಿ
ರಾಗ ರಾಗಿಣಿಯರ ಸಮ್ಮಿಲನ
 ಅನುರಾಗದಲ್ಲಿ.

Bookmark/Search this post with:

 •    •    •