- ಗುರು ಬಬ್ಬಿಗದ್ದೆ 

ಏನಿದ್ದರೇನು, ನೀನಿಲ್ಲದಿರೆ ಮನವೆ

ಏನಾದರೇನು ನೀನಿದ್ದರೆ ಒಲವೆ                ೧  

ಬದುಕಲಿ ನೋವುಗಳು ನಲಿವುಗಳು ಹಲವು

ನಿನ್ನೊಲುಮೆ ನನಗಿರಲಿ ಸಂತಸದ ಹೊನಲು      ೨ 

ಬೇಸಿಗೆಯ ಕರಿಮುಗಿಲು ವರ್ಷಋತು ಎನದಿರು

ಹರುಷದಿ ಮನವಿರಲು ದ್ರೋಹವ ಬಗೆಯದಿರು    ೩ 

ಕರವನು ವಂದಿಸಿಹೆ ಕರುಣಾಳು ಕಾಪಾಡು

ಕರ್ತನೂ ನೀನು ಕಾರಣನೆ ಕೃಪೆದೋರು           ೪ 

ಬಿಡಬೇಡ ನಿನ್ನ ಗುಣ ಬರಲಿ ಜೀವಕ್ಕೆ ಪಣ

ಅವನಿರೆ ನಿನ್ನೊಳು ಹೊಮ್ಮುವುದು ಸದ್ಗುಣ        ೫ 

ಅಕ್ಕರೆಯ ಮಾತುಗಳು ಹೊಮ್ಮಲಿ ನನ್ನಲಿ

ಸಕ್ಕರೆಯ ಬದುಕಿಗೆ ನಿನ್ನೊಲುಮೆ ನಿನಗಿರಲಿ         ೬ 

Bookmark/Search this post with:

 •    •    •